?Prof Marena Manley, van die Universiteit Stellenbosch se Departement Voedselwetenskap, is deur die Internasionale Raad vir Naby-infrarooi-spektroskopie (ICNIRS) as die 2025-ontvanger van die gesogte Tomas Hirschfeld-toekenning (THA) aangewys. Sy is die eerste Suid-Afrikaner om hierdie eer te ontvang.
Die toekenning, wat deur die Si-Ware-korporasie gefinansier word, sal in Junie by die komende 22ste Internasionale Konferensie oor Naby-Infrarooi-spektroskopie-konferensie (NIR2025) in Rome, Itali?, oorhandig word. Die geleentheid beloof om toonaangewende kundiges en entoesiaste van die NIR-gemeenskap wêreldwyd bymekaar te bring om Manley se grensverskuiwende bydraes te vier.
Die ICNIRS het op sy webwerf erken dat die mededinging vanjaar "buitengewoon straf was, met 'n merkwaardige poel topkandidate", wat die kaliber van Manley se prestasies op die gebied van naby-infrarooi (NIR) spektroskopie onderstreep. "Die ho? gehalte van hierdie kompetisie is 'n goeie teken vir die toekoms van ons samelewing en die voortgesette groei in ons vakgebied."
Manley, 'n toonaangewende navorser in voedselwetenskap, het die toepassing van NIR-spektroskopie en hiperspektrale beelding aansienlik bevorder, veral in graankosnavorsing. Sy het sedert sy in 1997 by die US aangesluit het, meer as 75 nagraadse studente gelei, 135 eweknie-ge?valueerde referate laat verskyn en gehelp om die Universiteit as 'n toonaangewende NIR-spektroskopie-navorsingsentrum in Afrika te posisioneer.
Manley, tans 'n volle professor in die US se Fakulteit AgriWetenskappe, het 'n belangrike rol in die bevordering van NIR-spektroskopie en hiperspektrale beeldnavorsing gespeel. Haar baanbrekerswerk het die begrip en toepassing van hierdie tegnologie? aansienlik be?nvloed, veral in die karakterisering van heterogene graanmonsters. Manley se navorsingsgroep se bydraes het onder meer uitgebrei na gebiede soos heuningvervalsing, suurdeegonderhoud en sjokoladeverfyning.
Sy het ook 'n sleutelrol in die vestiging van Afrika se enigste vibrasiespektroskopie-eenheid gespeel wat met gevorderde hiperspektrale beeldvermo?ns toegerus is. Haar pogings het nie net die US as 'n kern vir NIR-spektroskopie-navorsing in Afrika bevorder nie, maar het ook internasionale erkenning gekry, wat in haar indrukwekkende H-indeks (maatstaf vir produktiwiteit en impak van 'n wetenskaplike of vakkundige) van 39 (Scopus) en 47 (Google) weerspie?l word.
Manley het in verskeie leierskapsrolle binne ICNIRS gedien en dra steeds by tot die wêreldwye spektroskopiegemeenskap. Benewens hierdie internasionale erkenning, is sy ook al verskeie nasionale toekennings ontvang, insluitende die US se Kanselierstoekenning (2022) vir haar rol as opvoeder en vir haar navorsingsuitnemendheid – spesifiek vir haar bydrae tot die bevordering van NIR-spektroskopie en hiperspektrale beelding in Suid-Afrika en verder weg. Ander toekennings sluit in die Erepenning van die Fakulteit Natuurwetenskappe en Tegnologie (2014) wat deur die Suid-Afrikaanse Akademie vir Wetenskap en Kuns aan haar toegeken is vir haar bydrae tot die vooruitgang in haar navorsingsveld, asook 'n Toekenning van Uitnemendheid vir haar NIR-spektroskopie-gebaseerde graannavorsing in Suid-Afrika (2010).
Afgesien van haar akademiese prestasies, het Manley 'n deurslaggewende rol in verskeie NIR-spektroskopiekomitees en konferensies gespeel, insluitende as konferensievoorsitter van die 15de ICNIRS-konferensie in Kaapstad en tans as die komende konferensievoorsitter van die 22ste Internasionale Diffusereflektansie-konferensie (IDRC) wat in 2026 in Knoxville, in die VSA gehou word.
"Om die THA te ontvang is persoonlik 'n baie betekenisvolle oomblik in my loopbaan, en ek voel werklik ge?erd. Ek hoop om die Si-Ware-korporasie, ICNIRS en die NIR-spektroskopie-gemeenskap eer aan te doen," het Manley gesê.
"Hierdie erkenning is nie net myne nie – dit weerspie?l die reis wat ek met so baie gedeel het. Ek is dankbaar vir die mentors wat my gelei het, vir die kollegas en medewerkers wat in my geglo het en deure langs die pad geopen het, en vir die ongelooflike nadoktorale genote en nagraadse studente met wie ek die voorreg gehad het om saam te werk. Hulle energie, idees en toewyding het nie net my navorsing verryk nie, maar my rol as toesighouer een van die grootste vreugdes van my professionele lewe gemaak."
