In ’n wêreld gekenmerk deur ranglyste, metings, en institusionele aansien is daar min uitnemendheidsmerkers wat meer gerespekteer word of stilweg transformerend inwerk as internasionale akkreditasie.
Stellenbosch Besigheidskool se onlangse herbevestiging van die Skool se Europese gehalteverbeteringstelsel- (EQUIS-)akkreditasie is meer as ’n pluimpie in die hoed. Dit is ’n verhaal van veerkragtigheid, samewerking, en ’n meedo?nlose strewe na relevansie in ’n wêreldwye sake-opvoedingslandskap. “Akkreditasie is nie ’n kenteken nie – dit is ’n baken," sê Yolanda van der Westhuizen, Bestuurder: Akkreditasie, by die Skool. “Dit sê vir die wêreld ons akademiese programme, ons navorsing, ons studente, en ons vennootskappe word aan die hoogste internasionale standaarde gehou.”
In Maart 2025 het die Skool weereens volle EQUIS-akkreditasie van die Europese stigting vir bestuursontwikkeling (EFMD) ontvang, ’n onderskeiding wat dit al sedert 2000 behaal. EQUIS, die Vereniging vir die bevordering van kollegiale sakeskole (AACSB), en die Vereniging van MBA’s (AMBA) vorm saam die driedubbele kroon vir sakeskool-akkreditasie wat wêreldwyd deur minder as 15 sakeskole behaal word, en dit maak die Stellenbosch Besigheidskool deel van ’n elite-groep in die wêreld. Die Stellenbosch Besigheidskool was die eerste in Afrika wat EQUIS- en AMBA-erkenning ontvang het, asook die eerste op die vasteland wat in 2012 AACSB-akkreditasie verwerf het.
’n Belangrike aspek wat die Stellenbosch Besigheidskool onderskei – en wat die herakkreditasie onderlê – is die Skool se noue betrokkenheid by die sake- en bedryfsektor. Uitvoerende Ontwikkeling, as ’n kerndeel van die Skool, speel ’n sentrale rol by die vorming van leierskap- en bestuurspraktyke in Suid-Afrika en verder. Deur sy pasgemaakte en oop programme, toegepaste navorsing en leierskapsintervensies, omskep die Skool akademiese uitnemendheid in impak by die werkplek. Hierdie soomlose verband tussen graadprogramme, uitvoerende opvoeding, en werk met die private en openbare sektor versterk die relevansie en impak van die Skool in werklikheidsgetroue kontekste.
“Hierdie herakkreditasie is ’n belangrike bevestiging van ons verbintenis tot uitnemendheid en voortgesette verbetering,” sê professor Chris van der Hoven, Senior Direkteur, Stellenbosch Besigheidskool. “Dit verseker dat ons relevant bly in ’n vinnig veranderende en mededingende globale landskap deur onsself te hou aan standaarde wat innovasie, veerkragtigheid en maatskaplike impak verg.”
In plaas van ’n burokratiese oefening is herakkreditasie ’n reflektiewe en uitdagende reis. “Dit verg diep introspeksie, eerlike selfassessering, en ’n onwrikbare verbintenis tot voortgesette verbetering,” verduidelik Van der Westhuizen. Die EQUIS-proses behels ’n institusionele selfstudie, ’n gedetailleerde verslag, en ’n intense ewekniebeoordeling ter plaatse, waaronder onderhoude met fakulteite, personeel, studente, alumni, en korporatiewe vennote.
Volgens prof Van der Hoven maak die handhawing van die Stellenbosch Besigheidskool se driedubbelekroon-status, ’n mengsel van vooruitskouende strategie?, wêreldwyd geori?nteerde dog plaaslik relevante programme, en ’n diep ingewortelde kultuur van verantwoordelike leierskap dit juis so uitsonderlik. “Sentra soos die Sentrum vir Verantwoordelike Leierskapstudies en ons werk in sake-etiek, volhoubaarheid, en openbare beleid wys hoe ons akademieskap by Afrika se behoeftes laat aanpas, terwyl ons wêreldwye debatte betrek.”
“Dit bied ’n geleentheid om te vra: Is ons relevant? Is ons toekomsfiks? Word ons waardes op ’n sinvolle manier uitgeleef?” voeg Van der Westhuizen by. Hierdie vrae word selfs meer dringend in ’n post-pandemiese wêreld waar veerkragtigheid, aanspreeklikheid, en verantwoordelike leierskap nie opsioneel is nie, maar noodsaaklik. Die uitkoms was ’n dawerende ja van EQUIS en ’n hernieude verbintenis tot doelgerigtheid van binne.
Prof Van der Hoven beklemtoon dat die prestasie deur ’n kollektiewe poging teweeggebring is: “Hierdie herakkreditasie is nie die resultaat van ’n enkele innovasie of departement nie – dit is die kulminasie van ’n gedeelde visie, asook harde werk. Wat uitsonderlik is aan ons Skool, is nie net ons akademiese kaliber nie, maar ons mense; hulle passie, kundigheid, en verbintenis tot impak.”
Wat beteken dit vir die belanghebbendes?
- Vir die Skool se reputasie: Die EQUIS-stempel plaas die Stellenbosch Besigheidskool onder ’n seldsame groep toonaangewende instellings in die wêreld, wat die Skool se handelsmerk as Afrika se voorste sakeskool versterk.
- Vir studente Studente word gewaarborg van kwalifikasies wat aan internasionale standaarde voldoen en gegradueerdes verdien ’n mededingende voordeel wêreldwyd, wat beteken dat hulle toegang tot uitruilprogramme en dubbelgraadvennootskappe kry.
- Vir vennootskappe Vennootskappe met die Stellenbosch Besigheidskool bied internasionale medewerkers betroubaarheid, wat sterker alliansies met eweknie-instellings, navorsingsnetwerke, en sakeskole wêreldwyd moontlik maak.
- Vir korporatiewe kli?nte Akkreditasie verseker kli?nte die kwaliteit en relevansie van uitvoerende opvoeding en adviesdienste. “Hulle weet ons onderrig is nie net akademies nie – dit is uitvoerbaar,” voeg Van der Hoven by.
- Vir die samelewing: Die herakkreditasie bevestig die Skool se rol in die ontwikkeling van verantwoordelike leiers wat komplekse samelewingsuitdagings oor die hele Afrika en verder kan aanpak.
Hierdie navorsings- en refleksieproses posisioneer die Stellenbosch Besigheidskool as ’n denkleier in die toepassing van globale beste praktyke wat plaaslike imperatiewe betref. Dit gaan nie net oor institusionele status nie, maar oor sistemiese invloed, ’n gedeelde doel en die vorming van ’n beter toekoms vir almal.
