?'n Plastiek eend-resies ter ondersteuning van twee betekenisvolle sake word deur die Sosiale Impakkomitee van die Fakulteit Opvoedkunde gere?l. Die hele kampus, sowel as alumni en die publiek, word genooi om deel te neem. Alle eende sal na die resies uit die rivier verwyder word.
Die resies sal op 26 September 2025 in die Eersterivier in Stellenbosch plaasvind ter ondersteuning van twee sake:
?1. Her Voice Kayamandi
Hierdie is 'n nie-winsgewende organisasie wat vroue in Kayamandi bemagtig. Lede moet een weeklikse sessie bywoon wat gebruik word vir vaardigheidswerkswinkels, persoonlike ondersteuning en ander doeleindes. Hulle verdien 10 punte (+/- R100) vir elke weeklikse sessie wat hulle bywoon, wat gebruik kan word vir noodsaaklike items soos kruideniersware en mediese dienste. Fondse van die eend-resies sal aangewend word vir die puntestelsel en toegang tot psigososiale ondersteuning.?
2. Opvoedkundige Sielkunde Praktikum Eenheid
Hierdie is 'n gespesialiseerde opleidingsentrum binne die Fakulteit Opvoedkunde. Die Eenheid bied ondersteuning aan studente tydens praktiese sessies, gelei deur opvoedkundige sielkundiges. Die Eenheid dien die gemeenskap deur verwysings van skole regoor Kaapstad en Stellenbosch te ontvang, en bied assesserings, loopbaanleiding, ouer- en gesinsberading en terapeutiese intervensies vir kinders en adolessente aan. In privaat praktyk kos 'n assessering tot R4500, maar gemeenskapslede wat deur die Eenheid ondersteun word, betaal nie, of betaal 'n baie klein fooi. Die Eenheid dien die gemeenskap deur waardevolle praktiese ervaring te bied aan studente wat binnekort as sielkundiges in gemeenskappe sal werk.
Vir meer inligting en besonderhede, kyk na die video hier.
Hoe dit sal werk:
Beginpunt van die eend-resies in die Eersterivier: oorkant die hoofingang van die Coetzenburg Atletiekstadion
Eindpunt: +/- 50 tot 100 meter vanaf die beginpunt (afhangende van die watervlak op daardie tydstip)
Al die plastiek eende sal na die wedloop uit die rivier verwyder word.
Ondersteuners word genooi om die resies by te woon en sal op die paadjie langs die rivier loop.
As jy nie die resies kan bywoon nie, sal jou eende steeds deelneem en ons sal jou laat weet of jy een van die wenners is/
Daar is verskeie pryse op die spel wat binnekort op sosiale media, ens. aangekondig sal word.
Elke eend sal genommer word om die wen-eende met hul skenkers te verbind.?
Ons benodig jou e-posadres om jou eendnommers vir jou te stuur - sien betalingsinligting hieronder.
Hoe om die eend-resies te ondersteun om 'n verskil te maak:
Skenk eende - soveel as wat jy wil! Hoe meer eende, hoe groter die impak vir die twee sake.
R50-eende: basiese plastiek-eende (kan in grootte en voorkoms verskil) - honderde beskikbaar.
Spesiale tema-eende: slegs 10 beskikbaar teen R1000 elk
Basiese eende sal in besit bly en die eiendom van die Fakulteit Opvoedkunde se Sosiale Impakkomitee wees voor en na die resies en sal vir moontlike toekomstige wedlope gebruik word.
Spesiale tema-eende sal aan die skenkers gegee word om te hou en sal die skenker se besitting wees.
Belangrik wanneer jy 'n betaling maak:
Skakel vir betalings: https://pos.snapscan.io/qr/SU_FACOFEDUSOCIALIMPACT
?Snapscan (as die skakel of QR kode gebruik word): Stuur asb bewys van betaling na eels@sun.ac.za?
EFT/Kaart (as die skakel of QR kode gebruik word): Stuur asb bewys van betaling na eels@sun.ac.za
Kaartmasjien/Kontant: Jy kan ook met jou kaart of kontant betaal by die Fakulteitskantoor in die GG Cillie Gebou, kamer 2031, en jou epos adres verskaf.
